မြန်မာဗုဒ္ဓဘာသာဝင်များ ၀မ်းမြောက်ဂုဏ်ယူဖို့ရာ

ရွှေတိဂုံ စေတီတော် ၂၆ဝဝ ပြည့်နှစ် ပွဲတော် ကမ္ဘာ့နိုင်ငံ များကို ဖိတ်ကြား သွားမည်

၂ဝ၁၂ ခုနှစ်တွင် ရွှေတိဂုံ စေတီကြီး၏ သက်တမ်း ၂၆ဝဝ ပြည့် ပွဲတော်ကို ကျင်းပမည် ဖြစ်၍ ကမ္ဘာ့ နိုင်ငံ များကို ဖိတ်ကြား သွားမည်ဟု ဂေါပက အဖွဲ့ အင်ဂျင်နီယာ ဌာနမှ ဦးဘရွှေက သြဂုတ် ၂ ရက် တွင် ပြော ကြားသည်။ ရွှေတိဂုံ စေတီတော်ကြီး သည် သမိုင်းကျမ်း အကိုးအကား အခိုင်အမာ ရှိသောကြောင့် နိုင်ငံတကာမှ သိစေရန် ဖိတ်ကြားမည် ဖြစ်ကြောင်း သိရ သည်။

”ရွှေတိဂုံ စေတီတော် က ဂေါတမ မြတ်စွာဘုရား ပွင့်ပြီး ၁ဝ လကြာ မှ ဘုရား တည်လို့ ပြီးစီး ခဲ့တာ။ အဲဒီ အချိန် ကနေ ခုထိ တည်ရှိနေတဲ့ ဘုရား တစ်ဆူ ဖြစ်တာကြောင့် တစ်ကမ္ဘာလုံး ကျယ်ကျယ် ပြန့်ပြန့် သိစေ ချင်တယ်။ ရွှေတိဂုံ ဘုရားရဲ့ သက်တမ်းက သာသနာသက္ကရာဇ် နဲ့ အတူတူပဲ။ အဲဒါကြောင့် ၂ဝ၁၂ သာသနာ သက္ကရာဇ် ၂၆ဝဝ ပြည့် ချိန်မှာ ရွှေတိဂုံေ စတီတော်ရဲ့ သက်တမ်း ကလည်း ၂၆ဝဝ ပြည့်ပြီ။ အဲဒါကြောင့် ဗုဒ္ဓဘာသာ တိုင်းပြည်တွေသာ မက ကမ္ဘာ့ နိုင်ငံတွေ ကိုလည်း ဖိတ်ကြားပြီး ခမ်းခမ်း နားနား ကျင်းပသွား မှာပါ” ဟု ပြောသည်။

စေတီတော်ကြီး နှင့် ပတ်သက်သည့် သမိုင်းကြောင်း များနှင့် သိမှတ် ဖွယ်ရာ များကို ၂ဝဝ၉ ခုနှစ်မှ စ၍ ဝက်ဘ်ဆိုက် လွှင့်တင် ထားခဲ့ပြီး စေတီတော်ကြီး ၌ ရာသီ အလိုက် ကျင်းပ ပြုလုပ်သည့် ပွဲတော် များကို အချိန်နှင့် တစ်ပြေးညီ ဖော်ပြ ပေးနေသည်ဟု သိရသည်။ ထို့အပြင် စေတီတော်ကြီး၏ သမိုင်းကြောင်းနှင့် ပတ်သက်၍ ဧည့်လမ်းညွှန် များက ကမ္ဘာ့လှည့် ခရီးသည် များကို ရှင်းပြ ရာတွင် ကွဲလွဲ မှုများ မရှိစေရန် ရွှေတိဂုံစေတီ ဂေါပက အဖွဲ့ဝင် များက ဘုရား သမိုင်း နှင့်ပတ်သက်၍ ဟောပြော ပို့ချပေး နေသည်ဟု သိရသည်။ ရွှေတိဂုံ စေတီတော်ကြီးသို့ ကမ္ဘာလှည့် ခရီးသည်များ နေ့စဉ် လာရောက် လေ့လာလျက် ရှိပြီး ထိုင်းနိုင်ငံသား များအများဆုံး လာရောက်ကြသည် ဟု သိရကြောင်း ပေါ်ပြူလာ ဂျာနယ်တွင် ဖော်ပြထားသည်။
၁၂ . ၈ . ၂၀၁၀
Copy from www.hanthawaddy.org