ဆန္ဒဆိုတာ အပြင်မှာဘဲ ပြလို့ရတယ်၊ ထောင်ထဲမှာ ပြလို့မရဘူးလို့ အမိန့်ထုတ်ထားလို့ ဖြစ်မှာပေါ့

အကျဉ်းတံခါး ဘယ်အခါ ပွင့်ပါမယ်
စိန်အိုးစည် / ၀၉ ဇူလိုင် ၂၀၁၀


“ဘန်ကောက်ရဲတွေ ဆင်းဖမ်းနေတယ်” ဟူသည့် မိုးလုံးပြည့် မုသာဝါဒလိုလို၊ ခလောက်ဆန် အကောက်ကြံ လေလှိုင်းသံတွေလိုလို သတင်းများ လွင့်ပျံ့နေသည့်အတွက်ကြောင့် သံစုံမြည် အော်ခက်စတြာ စက်ဘီးစုတ်လေးကို ထိတ်ထိတ်ပျာပျာ စီးနင်းလာရသော ရွှေဂျိုးတယောက် လေပုပ်ထုတ်ကုန်းအနီးသို့ အရောက်တွင် လက်ဖက်ရည်စားပွဲ၌ ထိုင်၍ ပြုံးပြုံးကြီး ကြည့်နေသော လေအိုးကို မြင်လိုက်ရပြီး ကျွဲမြီးတိုသလို ဖြစ်သွားရလေ၏။

ရွှေဂျိုး ။ ။ မနက်စောစောစီးစီး သွားအအေးပတ်မယ် ကိုလေအိုး၊ ဒီမှာဖြင့် ဘန်ကောက်ရဲတွေ ဆင်းဖမ်းနေတယ်ဆိုလို့ ကျီးကြည့်ကြောင်ကြည့် နင်းလာရတာ၊ ချွေးပါပြန်တယ်။ ဒါကို ခင်ဗျားက လှောင်သလို ပြောင်သလို ပြုံးစိစိ လုပ်နေတာလားဗျ။

လေအိုး ။ ။ တဖက်သတ် စွဲချက်နဲ့ အမဲမဖျက်ပါနဲ့ ကိုရွှေဂျိုးရယ်။ လေအိုးက မနက်စောစောစီးစီး ဝေနေယျသတ္တ၀ါအပေါင်းကို မေတ္တာပို့ရင်း ကြည်နူးလို့ ပြုံးနေတာပါဗျ။ နောက်ပြီး အင်္ဂလန်နဲ့ အာဂျင်တီးနားကို နှိပ်ကွပ်ပြီး တက်ကြွနေတဲ့ ကြက်ဖလေး ဂျာမဏီကို “ငယ်သေးတယ် ကလေးရယ် စာကြိုးစားဦးကွယ်” လို့ သင်ခန်းစာပေးလိုက်တဲ့ ကိုရွှေစပိန်ကြီး လုပ်ကျွေးသွားတာလည်း ပါတာပေါ့ဗျာ ဟဲ ဟဲ ဟဲ။ ဒါမှ ဘတ်ငွေစစ်စစ်ဗျ။ အိမ်က ချစ်ဇနီး ပူပူနွေးနွေး လုံးဝမသိတဲ့ ဘတ်ငွေစစ်စစ်။ ကဲ ကဲ ဒီနေ့ ကိုရွှေဂျိုး ဘာစားမလဲ၊ ဘာသောက်မလဲ၊ စားချင်ရာ စား၊ သောက်ချင်ရာ သောက် ဟဲ ဟဲ။

ရွှေဂျိုး ။ ။ တော်ပါပြီဗျာ၊ အိမ်သူသက်ထား ဇနီးမယားရဲ့ လက်ရာမွန်လောက် ဘယ်သင်းက ကောင်းနိုင်မှာလဲ။ ချွေးပြန်ပေမယ့် ဗိုက်ပြည့်လာပြီးသားပါဗျာ။ ပိုက်ထွေးရဲ့ ခပ်ညံ့ညံ့လက်ရာ တခွက်လောက် သောက်ရရင် တော်ပါပြီ။

လေအိုး ။ ။ ဟေ့ ပိုက်ထွေးရေ မင်းအစ်ကို ကိုရွှေဂျိုး အောက်ရေတိုးပြီး အသေမဆိုးအောင် လက်ဖက်ရည် ခပ်ညံ့ညံ့တခွက် အမြန်ဖျော်ခဲ့ဟေ့၊ ရေနွေး လျှော့ထည့်။

ရွှေဂျိုး ။ ။ ဒါနဲ့ ကိုလေအိုး နိုင်ငံရေးအကျဉ်းသားတွေ လွှတ်တော့မယ်ဆိုဗျ။ ဟုတ်သလား အဲဒီသတင်း။

လေအိုး ။ ။ ပေါက်တတ်ကရဗျာ။ ကိုရွှေဂျိုးကို ဘယ်သူပြောလဲ။ သန်းရွှေလား လွှတ်ပေးမှာ။ လွှတ်လောက်အောင် ဘယ်သူက သန်းရွှေကို လည်ပင်းသွားညှစ်နေလို့လဲ ကိုရွှေဂျိုးရဲ့။ တကမ္ဘာလုံး လိပ်ခေါင်းထွက်အောင် အော်ဟစ်တောင်းဆိုနေရုံလောက်နဲ့ လွှတ်မတဲ့လား၊ ထုံးစံမရှိတာ ကိုရွှေဂျိုးရယ်၊ “ကြားစကားများ မယုံနဲ့ ဘေးဖယ်ထား … ခပ်မိုက်မိုက် ချစ်ကြစို့ … ရန်ကုန်မြို့ ပေတရာ လမ်းမပေါ်မှာ ချစ်တဲ့သူနဲ့ …” ။

ရွှေဂျိုး ။ ။ အိုဗျာ အရေးထဲ ၀က်ရူးထနေပြန်ပါပြီ။ မဟုတ်ဘူး၊ အိပ်ရာနိုးနိုးချင်း အိမ်သူသက်ထား ဇနီးမယားက ပြောလို့ဗျ။ ညက ရေဒီယိုမှာ လာသွားတယ်လို့ ဈေးထဲမှာ ပြောနေကြတယ်တဲ့။

လေအိုး ။ ။ အော် ဒါလား၊ တို့ ကိုရွှေဂျိုးတယောက်နဲ့တော့ ဒုက္ခပါပဲ။ တနေ့ တနေ့ အိမ်သူသက်ထား ဇနီးမယားရဲ့ အိမ်တွင်းအကြမ်းဖက် (အဲလေ …) အနုဖက်တာကိုပဲ ခံနေရတော့ ပြင်ပလောကမှာ ဘာတွေဖြစ်နေတယ်ဆိုတာကို ကိုယ်တိုင်ကိုယ်ကျ နားမစွင့်နိုင်ဘူးဖြစ်နေတာကိုး။ ကိုရွှေဂျိုး ကြားလာတဲ့ နိုင်ငံရေးအကျဉ်းသားတွေကို လွှတ်မယ်ဆိုတဲ့ သတင်းက မှန်တော့မှန်တယ်ဗျ။ ဒါပေမယ့် …။

ရွှေဂျိုး ။ ။ လွှတ်မယ်ဆို လွှတ်မယ်ပေါ့၊ ဘာ ဒါပေမယ့်လဲ ကိုလေအိုးရဲ့။

လေအိုး ။ ။ စကားကို ဆုံးအောင် နားထောင်ဦးလေ။ လွှတ်ပေးမယ့်လို့ ပြောတာက ကြပ်ပြေးက ကိုသန်းရွှေကြီး မဟုတ်ဘူးဗျ။ ဟာဗားနားက ဘူဒါးကြီး ကက်စထရို ပြောတာဗျ။ ကျူးဘားမှာ လွှတ်မှာလို့ ညက ရေဒီယိုတွေမှာ လွှင့်သွားတာဗျ။ ကိုရွှေဂျိုးတို့ကတော့လေ နားစွန်နားဖျားတွေ ကြားလာပြီး သတင်းတွေ လျှောက်ဖြန့်နေမှဖြင့် တော်ကြာ ဘီဘီစီတို့၊ ဗွီအိုအေတို့တော့ နအဖ အပုပ်ချသလို ခလောက်ဆန် အကောက်ကြံ လေလှိုင်းသံတွေ ဖြစ်ကုန်ရော့မယ်။ တော်သေးတာပေါ့ လေအိုးနဲ့ အရင်တိုးပေလို့။

ရွှေဂျိုး ။ ။ အော်ဗျာ၊ ကျုပ်မှာ ဒီမနက် အဲဒီသတင်းလေး ကြားလို့ ပျော်မလို့ရှိသေး၊ ကိုလေအိုးနဲ့ တွေ့မှ ဗြုန်းခနဲ ၀မ်းသာ၊ ဗျာခနဲ ၀မ်းနည်းဖြစ်ရတော့တာပဲ။

လေအိုး ။ ။ ဖြစ်နိုင်မဖြစ်နိုင် ဦးနှောက်ကလေးနဲ့လည်း တွေးကြည့်ဦးမှပေါ့ ကိုရွှေဂျိုးရဲ့။ ကျူးဘားမှာ နိုင်ငံရေးအကျဉ်းသားတွေကို လွှတ်ရတယ်ဆိုတာက အထဲက နိုင်ငံရေးအကျဉ်းသားတွေ အစာငတ်ခံ ဆန္ဒပြတာကြောင့်ရယ်၊ ကြားဝင်စေ့စပ်ပေးသူတွေ ရှိလို့ရယ် လွှတ်ပေးရတာဗျ။ လေအိုးတို့ဆီမှာ အခုလောလောဆယ် အစာငတ်ခံ ဆန္ဒပြတာတို့၊ ကြားဝင်စေ့စပ်ပေးတာတို့ ဆိုတဲ့ သတင်းမျိုး ကိုရွှေဂျိုး ကြားမိလို့လား။ အဲလိုမကြားဘဲ သန်းရွှေကြီးက နိုင်ငံရေးအကျဉ်းသားတွေကို ဖမ်းထားတာ ကျနော်မျိုး အမှားကြီး မှားပါပြီခင်ဗျ၊ အမြင်မှန်ရပါပြီခင်ဗျဆိုပြီး လွှတ်မတဲ့လား ကိုရွှေဂျိုးရဲ့၊ စဉ်းစဉ်းစားစားလည်း လုပ်ပါ။

ရွှေဂျိုး ။ ။ ကျူးဘားမှာ အစာငတ်ခံဆန္ဒပြရုံလောက်နဲ့ လွှတ်ပေးတယ်ဆိုတော့ ကျုပ်တို့ဆီမှာလည်း အရှင်ဂမ္ဘီရတို့၊ ကိုထင်ကျော်တို့၊ မစုစုနွေးတို့ အစာငတ်ခံ ဆန္ဒပြခဲ့ကြတာပဲ ကိုလေအိုးရဲ့။ သန်းရွှေက ဘယ်မှာလွှတ်ပေးလို့လဲ။

လေအိုး ။ ။ ဟုတ်တယ် အရှင်ဂမ္ဘီရတို့၊ ကိုထင်ကျော်တို့၊ မစုစုနွေးတို့ ဘယ်လောက်ကြာကြာ အစာငတ်ခံဆန္ဒပြခဲ့လဲဆိုတာ လေအိုး မမှတ်မိတော့ဘူး။ ဒါပေမယ့် အခု ကျူးဘားက နိုင်ငံရေးအကျဉ်းသားတွေသတင်း နားထောင်ရတာတော့ ပထမတယောက်ဆို အဲ … လေအိုး နာမည်တော့ မမှတ်မိတော့ဘူး၊ အစာငတ်ခံဆန္ဒပြပြီး (၈၅) ရက်ကြာမှာ သေဆုံးသွားတယ်တဲ့ အားပါးပါး အာဂပဲနော်။ ပထမတယောက်လည်း သေရော နောက်ထပ်တယောက်က ထပ်ပြီး အစာငတ်ခံဆန္ဒပြတယ်။ နောက်ဆုံးမှာ ကျူးဘားရိုမန်ကက်သလစ် Church က ဘုန်းတော်ကြီး အော်တေဂါက မနေနိုင်တော့လို့ ကြားဝင်စေ့စပ်ပေးမှ ကျူးဘားသမ္မတ ရောလ်ကက်စထရိုက နိုင်ငံရေးအကျဉ်းသား (၅၂) ယောက် လွှတ်ပေးမယ်လို့ ကြေညာလိုက်တာ။ အစာငတ်ခံဆန္ဒပြတဲ့ ဒုတိယတယောက်လည်း အဲဒီသတင်းကြားမှ (၁၃၅) ရက် အကြာမှာ ဆန္ဒပြတာကို ရပ်ဆိုင်းလိုက်တာတဲ့ ကိုရွှေဂျိုးရဲ့။

ရွှေဂျိုး ။ ။ အေးဗျာ၊ သူများသတင်းတွေကို ကြားရတာ အားရလိုက်တာ။ ထောင်ထဲက နိုင်ငံရေးအကျဉ်းသားတွေလည်း အဲဒီသတင်းကို ကြားရင် အတော် အားရှိမှာပဲနော် ကိုလေအိုး။

လေအိုး ။ ။ အားရှိရုံနဲ့ မပြီးဘူး ကိုရွှေဂျိုးရဲ့၊ ကိုယ်တိုင်ကိုယ်ကျ လွတ်ဖို့လိုတယ်။ နိုင်ငံရေးအကျဉ်းသားအားလုံး လွတ်မြောက်မှလည်း လေအိုးတို့နိုင်ငံရဲ့ ပြဿနာက ရှေ့ဆက်ဖြေရှင်းလို့ရမှာ။ လွတ်ဖို့ကလည်း အထဲမှာ ကျူးဘားမောင်တွေလို တက်ညီလက်ညီ ဖိုက်ကြဖို့လိုသလို အပြင်က လူတွေကလည်း သန်းရွှေကို လည်ပင်းညှစ်ဖို့ အားထုတ်ရမယ်ဗျ။

ရွှေဂျိုး ။ ။ နေပြည်တော်မှာ လိုဏ်ခေါင်းတူးပြီး ပုန်းဖို့ကြံနေတဲ့သူကို ကိုလေအိုးက ဘယ်လိုများ လည်ပင်းသွားညှစ်ချင်တာတုန်းဗျ။ လွယ်ပါ့မလား။ ကိုလေအိုးမှာ ကိုယ်ပျောက်ဆေး ရှိလို့လား ဟား ဟား ဟား။

လေအိုး ။ ။ ကိုရွှေဂျိုးကလည်း လွယ်မှတော့ လေအိုးပဲ ခုချက်ချင်း ထသွားပြီး ညှစ်ထည့်လိုက်တော့မှာပေါ့။ လည်ပင်းညှစ်တယ်ဆိုတာနဲ့ပဲ သန်းရွှေလည်ပင်းကို တကယ်သွားညှစ်မယ်လို့ ကိုရွှေဂျိုးက ထင်နေတာလားဗျ။ အရပ်စကားပြောတာပါဗျာ။ ဟဲ ဟဲ အကဲဒမစ်တွေလို ယဉ်ယဉ်ကျေးကျေး သုံးနှုန်းရရင် စစ်အစိုးရအပေါ် ပရက်ရှာ ပေးရမယ်ပေါ့ဗျာ။ များများ ပရက်ရှာပေးနိုင်ရင် လေအိုးတို့ နိုင်ငံရေးအကျဉ်းသားတွေ မြန်မြန်လွတ်မှာပေါ့ ဟဲ ဟဲ။

ရွှေဂျိုး ။ ။ ဘယ်လိုဘယ်ပုံ ပရက်ရှာပေးရင် ကောင်းမလဲ ကိုလေအိုး။ အကြံဉာဏ်လေးများရှိရင် မစခဲ့ပါဦး။

လေအိုး ။ ။ ပရက်ရှာဆိုတာကတော့ဗျာ ခုနက ကျူးဘားဘုန်းတော်ကြီးလို သန်းရွှေကြီးကို နားချနိုင်မယ့် ပုဂ္ဂိုလ်မျိုး၊ ဒါမှမဟုတ် နားရင်းအုပ်နိုင်မယ့် ပုဂ္ဂိုလ်မျိုး လိုတာပေါ့။

ရွှေဂျိုး ။ ။ ဘန်ကီးမွန်းတောင် ပြန်ပြေးရတာ သန်းရွှေက ဘယ်သူ့စကားကို နားထောင်မှာတဲ့လဲဗျ။

လေအိုး ။ ။ ဘန်ကီးမွန်း ပြန်ပြေးရဆို ဘန်ကီမွန်းမှာ သူ့ကို လည်ပင်းညှစ်ဖို့ အားမရှိမှန်း ဘန်ကီမွန်းဗလကို ကြည့်ရုံနဲ့ သန်းရွှေက သိနေတာကိုးဗျ။ ဒါပေမယ့် နာဂစ်တုန်းက မြစ်ဝကျွန်းပေါ်ကမ်းရိုးတန်းအနီးကို စစ်သင်္ဘော (၃) စင်းလည်း ကပ်ရော တီဗွီထဲမှာ တွေ့ရတဲ့ သန်းရွှေမျက်နှာကို မှတ်မိလား ကိုရွှေဂျိုး။ သန်းရွှေ သွေးပျက်နေတဲ့ပုံ အဲဒီတခါပဲ မြင်ဖူးတယ်။ ပုပ်အဲ့ရှုံ့တွ နေတဲ့ ခရမ်းချဉ်းသီးမဲမဲကြီးကို ကြည့်ရသလိုပဲ ဟား ဟား ဟား။ ဒီလောက်ဆို သန်းရွှေ ဘာကြောက်သလဲ ကိုရွှေဂျိုး သဘောပေါက်ပေါ့။ အဲဒီလို သန်းရွှေ ကြောက်မယ့် အရာတွေကို ကိုင်ထားတဲ့ ခေါင်းဆောင်တွေကမှ သန်းရွှေကို ပရက်ရှာ ပေးနိုင်မှာပေါ့။ “မင်းနော် မင်းနော် လွှတ် လွှတ်၊ မလွှတ်ရင် ငါ ထုထည့်လိုက်ရမလား” ဆိုမှ ရမှာပေါ့ဗျ ဟား ဟား ဟား ဟား (ပြောရင်းဆိုရင်း ပါးစပ်ကို လက်ဖြင့်အုပ်ပြီး လေအိုးရယ်)။

ရွှေဂျိုး ။ ။ အင်းပေါ့ဗျာ ကိုလေအိုး ပြောတာက အကဲဒမစ်တွေ ဟစ်ဟစ်နေတဲ့ ‘ကဲရော့အဲန်စတစ်ခ်ပေါ်လစီ’ ထဲက တုတ်ပြရေးမူပေါ့ဗျာ။ ဒါပေမယ့် အဲဒါကလည်း ဖြစ်မလာဘူးဆိုရင်ကောဗျာ။

လေအိုး ။ ။ အဲဒါမဖြစ်လာဘူးဆိုရင်တော့ ကျုပ်တို့အဘိုးသခင်ကိုယ်တော်မှိုင်း ပြောတဲ့နည်းပဲ ရှိတော့တာပေါ့ ကိုရွှေဂျိုးရာ။ နေပြည်တော်ကို တတိုင်းပြည်လုံး ထထကြွကြွနဲ့ ၀ိုင်းကြဖို့ပဲ ရှိတော့တာပေါ့ဗျ။ မဟုတ်ရင်တော့ “ခံပေတော့ မစဉ်းစားနဲ့ … ခံပေတော့ မစဉ်းစားနဲ့ … ခံပေတော့ ဒန့် တန့် တန့် …”။ ကဲ ပြန်တော့မယ် ကိုရွှေဂျိုးရေ။ တော်နေကြာ နောက်ကျလို့ဆိုပြီး နောက်နေ့တွေ အိမ်မှာ အချစ်အကျဉ်းစံ ဖြစ်နေဦးမယ်ဗျို့ သွားပြီ၊ သွားပြီ။

လေအိုးတယောက် ပြောပြောဆိုဆို အိမ်တွင်းအကျဉ်းစံ မဖြစ်ရေး အမြန်လစ်ပြေးသကဲ့သို့ ရွှေဂျိုးလည်း ဆီးအိမ်အတွင်း အကျဉ်းချထားမိသည်မှာ အချိန်အတော်ကြာနေပြီဖြစ်သည့် အောက်ရေကို အလျင်အမြန် လွတ်ငြိမ်းချမ်းသာခွင့်ပေးရန်အတွက် ဆိုင်နောက်ဖေးသို့ လျှောက်ပြေးလေး ပြေးခဲ့လေသည်တကား။ ။
Copy from www.khitpyaing.org