ရခိုင်ဓည၀တီ မြို့တော်ဟောင်းကို ရထားလမ်း ဖြတ်ဖေါက်ပြီ
12/18/2010
ဘီစီ ၆ ရာစုကတည်းက တည်ရှိခဲ့သော တန်ဖိုးမဖြတ်နိုင်သည့် ရခိုင် ရှေးဟောင်း မြို့တော် တစ်ခုဖြစ်သည့် ဓည၀တီ မြို့တော်ဟောင်းကို ဖြတ်ပြီး ရထားလမ်း စတင် ဖေါက်လုပ်နေပြီ ဖြစ်ကြောင်း သတင်း ရရှိသည်။
ရခိုင်ရှေးဟောင်မြို့ရိုးဂိတ်
အမည်မဖေါ်လိုသူ ရှေးဟောင်း သမိုင်းသုတေသီ တဦးက “ ကျွန်တော် သွားကြည့်တော့ ဓည၀တီ မြို့ဟောင်း အရှေ့ဘက်ကနေ စဖေါက် နေပါတယ်။ နောက်တစ်ရက်ဆိုရင် မြို့ရိုးပေါ်ကို ရောက်ပါလိမ့်မယ်။ အခု မြို့ရိုးပေါ်မှာ လမ်းဖေါက်မယ့် အမှတ်အသားတွေဖြစ်တဲ့ အလံနီ တိုင်လေးတွေကို အူကြောင်း တလျှောက်မှာ စိုက်ထားတာကို တွေ့ရပါတယ်” ဟု ပြောသည်။
တခြား လူစည်ကားရာနေရာများက ရထားလမ်းကို ဖေါက်လုပ်လျှင် ရနိုင်သော်လည်း မဖေါက်လုပ်ဘဲ ဓည၀တီ မြို့တော်ဟောင်းပေါ်မှ ဖြတ်သန်းဖေါက်လုပ်ခြင်းမှာ ရည်ရွယ်ချက်ရှိရှိဖြင့် ဖျက်ဆီးခြင်း ဖြစ်ကြောင်းသူက ပြောသည်။
“ ကျွန်တော်တို့အနေနဲ့ ရထားပို့ဆောင်ရေး ၀န်ကြီးဌာနကို ဓည၀တီမြို့ ဟောင်းပေါ်က ဖြတ်မဖေါက်ဖို့နဲ့ တခြားနေရာက လွဲပြောင်း ဖေါက်လုပ်ဖို့ စာရေးသား တင်ပြထားတာတွေ ရှိပါတယ်။ ဒါပေမယ့် သူတို့က လုံးဝ ဂရုမစိုက်ဘူး။ တခြား ဖေါက်လို့ရတဲ့ လမ်းကြောင်းတွေ အများကြီးရှိတယ်။ ဒါပေမယ့် သူတို့က မဖေါက်ဘူး။ ခုလို လုပ်တာဟာ ရခိုင်ယဉ်ကျေးမူု အမွေအနှစ် တွေကို ဖျက်ဆီးဖို့ သူတို့ အစီအစဉ်ရှိရှိ လုပ်ဆောင်နေတာ ဖြစ်ပါတယ်။ ခုလို လုပ်တဲ့ အတွက် ရခိုင်တွေ အတွက်သာမက မြန်မာနိုင်ငံ တခုလုံး အတွက် ကြီးမားတဲ့ ဆုံးရှုံးမူကြီး ဖြစ်ပါတယ်။”
ဓည၀တီ မြို့တော်ဟောင်းမှာ ရခိုင်ဘုရင် စန္ဒသူရိယ မင်းထီးနန်းစိုက်ခဲ့ရာ မြို့ဖြစ်ပြီး အဆိုပါ ဘုရင်သည် ဘုရားရှင်အား ပင့်ဖိတ်ပြီး ယခုမန္တလေးရှိ မဟာမုနိ အပါအ၀င် တခြား မဟာကျိန်၊ မဟာကျန် ဘုရား ဆင်းတုတော် အများအပြားကို သွန်းလုပ်ခဲ့ကြောင်း သမိုင်းအရ သိရသည်။
ယခုအချိန်ထိ ဓည၀တီ မြို့တော်ဟောင်းတွင် နန်းမြို့ရိုးများ၊ အုတ်တံတိုင်းများ အထင်အရှား တည်ရှိနေကြောင်း သိရသည်။
ယခုရထားလမ်းကြောင်း အဆိုပါ ရှေးဟောင်းယဉ်ကျေးမူ အမွေအနှစ်များ ပျက်စီးဆုံးရှုံးသွားမည်ကို ရခိုင်အမျိုးသားများက အထူး စိုးရိမ် လျှက်ရှိကြောင်း သိရသည်။
ယခု ဖေါက်လုပ်နေသော ရထားလမ်းသည် ဓည၀တီ မြို့တော်ဟောင်း ကိုသာမက ဝေသာလီ မြို့တော်ဟောင်းကိုပါ ဖြတ်ဖေါက်မည် ဖြစ်သဖြင့် နအဖ စစ်အစိုးရ အနေဖြင့် ရခိုင်ပြည်နယ်တွင် လမ်းပန်းဆက်သွယ်ရေး လွယ်ကူရေး ရည်မှန်းချက်ထက် ရှေးဟောင်း အမွေအနှစ်များကို ဖျက်ဆီးလိုသည့် ရည်ရွယ်ချက်က ပိုရှိနေကြောင်း အများက ခန့်မှန်းပြောဆိုနေကြောင်း သိရသည်။
၎င်းပြင် လက်ရှိဖေါက်လုပ်ထားသော စစ်တွေ-ရန်ကုန် ကားလမ်းမှာ သွားလာ၍ မရအောင် ပျက်စီးနေသော်လည်း ကားလမ်းကို တိုးတက်ကောင်းမွန်အောင် မပြုပြင်ဘဲ နောက်ထပ် ရထားလမ်း တစ်ခုကို ဖေါက်လုပ်လာခြင်းမှာ နောက်ကွယ်က အကြောင်းအရာ များစွာရှိနေကြောင်း စစ်တွေမှ ရဟန်းပျိုတစ်ပါးမှ သုံးသပ် ပြောကြားသည်။
Copy from www.narinjara.com
Tuesday, December 21, 2010
စစ်မှန်တဲ့ တိုင်းရင်းသားစည်းလုံးညီညွှတ်ရေးကို တည်ဆောက်ချင်ရင် ဒါတွေကို အရင်ကန့်ကွက်ရမည်။ နုတ်နဲ့ပြောနေလို့မရဘူး။ ဒါမှ တိုင်းရင်းသားတွေ ယုံကြည်မည်။
Friday, September 24, 2010
သူ လူမော်လတ်
( ကိုလူမော်လတ်၊ ၂၁.၀၉.၂၀၁၀ ရက်နေ့တွင် ဦးအုန်းမောင်နှင့် တွေ့ဆုံစဉ် )မမာမာဦးဖခင် ဦးအုန်းမောင်ဟာ နှစ်လုံးရောဂါ အခံရှိပါတယ်။ မမာမာဦးကို ကျွန်တော်မမြင်ဖူးပါဘူး။ သူကအခု ကျွန်တော့်အဖေထောင်ကျရာဗန်မော်မှာပါ။ ကိုယ်ချင်းစာတယ်။ မိဘမေတ္တာလေ ဗန်မော်ထိ ဦးအုန်းမောင်က သွားမယ်ဆိုတော့ ကျွန်တော် လန့်သွားတယ်။ ဖြစ်ပါ့မလားပေါ့။ ရတယ်တဲ့။ ရအောင်သွားတယ်။ သွားဖို့လမ်းစရိတ်ကို အိုင်စီအာစီကပေးတယ်။ ဒါပေမယ့် အလုပ်အကိုင်မရှိတဲ့ အဘကြီး ။ ထမင်းတောင်နက်မန်မှုမရှိတဲ့ အဘက ဘယ်လို သူ့သမီးအတွက် ပစ္စည်းတွေယူသွားမှာလဲ။ သမီးကိုတွေ့ပြီး ပြန်လာမှာလား။ မိဘမေတ္တာကတော့ အပြည့်ပြံးနေတာပဲ။ ရယ်နေတာပဲ။
ဒါပေမယ့် စားစရာတောင်အနိုင်နိုင် ကျွန်တော်သိတယ်။ သူ့မိတ်ဆွေတွေကပြောတယ် သိထားပြီးပြီ။ ထမင်းလေး100ဖိုး၊ ဟင်းလေး150ဖိုးနဲ့ စားရတယ်။ ဒါတောင်နက်မမှန်ဘူး။ သူ့သမီးအတွက် သွားရင်ပါသွားဖို့ မုန့်လေးတွေ၊ ပစ္စည်းလေးတွေ ၀ယ်စုထားတယ်တဲ့။ ဒါသူများပြောတာ။ ကျွန်တော်ကိုယ်တိုင် ကျွန်တော့်ဆိုင်လေးမှာ ထမင်းကျွေးတယ်၊ ဟင်းလေးနဲနဲပဲစားတယ် ၊ထမင်းစားလဲနဲတယ် တော်ပြီတဲ့ ။ စားပါအဘရဲ့ ကိုယ့်မိသားစုတွေလိုပေါ့။ ဒီလိုပဲ ကျွန်တော်လဲရှိတုန်းကျွေးနိုင်တာ။ စားပါ အဘနေကောင်းမှ ဖြစ်မှာပေါ့။ ဒါနဲ့ ပြန်တော့၃ထောင် ပေးလိုက်တယ် လမ်းစာရိတ်။ မမာမာဦးဆီသွားမယ့်နေ့လာခဲ့ပေါ့
ပြောလိုက်တယ်။ ငိုက်စိုက်ငိုက်စိုက်နဲ့ ကျွန်တော်လိုက်ပို့လိုက်တယ် ကားမှတ်တိုင်ကို အလုံကနေ ကားစီးလေရဲ့။ နောက် မမာမာဦးဆီသွားကာနီး ရောက်လာပါတယ်၊ ၁သောင်းပေးလိုက်တယ်။ ဘာတွေဝယ်မှာလဲ မေးတော့။ ဟိုနေ့က ပေးတဲ့သုံးထောင်နဲ့ ၀ယ်ထားတာလေးတွေ၇ှိတယ်တဲ့။ အဘစားဖို့ကျွန်တော် သက်သက်ပေးတာပါ။ အခုပေးတာ မမာမာဦးအတွက်လို့။ ဘာတွေဝယ်ထားလဲမေးတော့ ခေါက်ဆွဲခြောက်ထုတ်တွေ။ ကွေကာတွေတဲ့။ ကြိုစုထားတာ အဘသွားတိုင်း ဘာမှမပါသွားတော့၊ သုံးရင်းစွဲရင်း ပါသွားလို့ သမီးအတွက် အဖတ်တင်အောင်ကြို ၀ယ်ထားလိုက်တာတဲ့။ ဒါဆိုလဲ အဘကြည့်ကောင်းသလိုလုပ်ပါလို့ ပြောလိုက်တယ်။ အဘ ပြန်လာယင် ကျွန်တော့်ကိုအင်္ဂလိပ်စာသင်ပေး ၊ကျွန်တော် တလ 3သောင်းပေးမယ်ပေါ့။ ကလေးတွေကိုရော အဘကလဲပြင်းနေတာ ၊ဘယ်တော့သင်မလဲ၊ ဘာလဲနဲ့။ တချက်ခုတ်နှစ်ချက်ပြတ် ကျွန်တော်စီစဉ်တာ၊ ချို့တဲ့သူမို့ပါ။ ဒါပေမယ့် မအောင်မြင်ပါဘူး။ ကျွန်တော့်ဆီ သူရေရှည် မလာနိုင်ဘူး။ ကျန်းမာရေး မကောင်းဘူး။ ဘယ်လို လုပ်ပေးရမှန်းမသိဘူး။ လုပ်နိုင်တာလုပ်ပေးတယ်။ မာမာဦးဆီသွားမယ်ဆို တစ်သောင်းပေးတယ်။ nld ရုံးရောက်တိုင်း ဒေါ်ရှု့ကိုမေးတယ် သူဘယ်လို ရပ်တည်နေလဲပေါ့။ သူ့အကြောင်းခေါင်းထဲထည့်ထားတယ်။ ခေါင်းထဲထည့်ထားရတာတွေကလည်း များတယ်လေ။ တခါတလ ရုံးမှာတွေတယ် မှိုင်နေတာပဲ။ စကားကျွန်တော်သွားပြောတယ်။ အဘ လို့အေးတဲ့။ စကားတွေ ဘာတွေပြောလိုက်သေးတယ်။ နောက်တော့မသင်္ကာတာနဲ့၊ အဘ ကျွန်တော်လူမော်လေလို့ ပြောတော့ ဟုတ်လားတဲ့ အေးအေး ဘယ်သူမှန်းမသိလို့ တဲ့ နေကောင်းလားတဲ့၊ အဘမျက်လုံးမမြင် ဘူး၊ ကောင်းကောင်း အရင်ကနဲ့မတူဘူးတဲ့။ အဘ မမာမာဦးဆီသွားမလို့တဲ့၊ ဟုတ်ကဲ့ နီးရင်ပြောဆိုပြီး ပြောခဲ့တယ်။ အဲဒါနဲ့ ပြန်လာတယ်။ နောက်တော့ ကျွန်တော်လည်း အပြည်ပြည်ဆိုင်ရာငြိမ်းချမ်းရေးနေ့လုပ်ဖို့ တာဝန်ယူထားတော့ တာစူနေတာ သတိမထားဖြစ်ဘူး။ အန်တီရူ.ဆီက ဖုန်းဝင်လာတယ်၊ ဦးအုန်းမောင်နှလုံး ရောဂါနဲ့ ဆေးရုံမှာတဲ့။ သူ့အတွက်အကူပေးဖို့ မိတ်ဆွေတစ်ယောက်ဆီ အကူအညီတောင်းထားတယ်။ မကြာပါဘူး ပြန်ဆင်းလာပြီတဲ့။ ကျွန်တော်လည်း အပြည်ပြည်ဆိုင်ရာငြိမ်းချမ်းရေးရေးနေ့ ကျင်းပတဲ့နေ့ ။ အဘဦးအုန်းမောင် ရောက်လာတယ်။ အဘ မောနေလား၊ ဘာလို့လာတာလဲ။ လာရမှာပေါ့ကွာတဲ့။ မင်းပွဲကိုတဲ့။ နေကောင်းလို့လားလို့ မေးလိုက်တော့၊ လမ်းမှာ(၇)ခါတောင် နားပြီးမှာလာတာ၊ ခုချိန်မှရောက်တာတဲ့။ အော်လူငယ်တစ်ယောက်ပေါ်မှာ နိုင်တဲ့ကျေးဇူးလေးနဲ့ တုံပြန်တတ်တဲ့ လူကြီး ။ ပြန်တော့ စိတ်မကောင်းဘူး ကျွန်တော် လူတွေဧည့်ခံနေရင်းက အဘ မသွားနဲ့အုံးနော် ဆိုပြီး စိုက်ကြည့်ပြီး ပြောလိုက်တယ်။ အေးတဲ့။ တော်ကြာ ပျောက်သွားတယ်။
အဘ ဘယ်ထွက်သွားတာ လဲမေးတော့။ မသိကြဘူး။ ကျွန်တော်ကဗျာကယာနဲ့ အောက်ထက် ပြေးဆင်းသွားတော့ သူတိုက်အောက်မှာ ထိုင်နေတယ်။ အဲဒါနဲ့ ငွေ (၁)သောင်း တက်ယူပြီး အဘကို ကန်တော့လိုက်တယ်။ အဘ နေကောင်းအောင် နေနော်လို့ မှာလိုက်တယ်။ ဒီနေ့ ဒီဗွီဘီမှာ ကြားလိုက်တယ်။ ဆုံးပြီတဲ့။
ကျွန်တော် အခုစာရိုက်ယင်း အဘကို ဆုတောင်းပါတယ်၊ မိဘ မေတ္တာအပြည့်ရှိခဲ့လို့ တူသောအကျိုးပေးပြီး နောက်နောင် ဘ၀တွေ မိဘ မေတ္တာအပြည့် ၇သော သားသမီးဖြစ်ရပါစေလို၏။ လူတွေရဲ့မေတ္တာ ရရပါစေလို၏။ မင်းတွေရဲ့မေတ္တာ ရရပါစေလို၏ပေါ့ ၊ (အခုသူနာရေးရက်လည်လေး လုပ်ဖို့ ငွေမရှိဘူးလို့ အန်တီရူက အကြောင်းကြားတယ် ၊ ကျွန်တော်မှာ တာဝန်ရှိပါတယ် ၊ မိဘမေတ္တာကြီးမားတဲ့ သူအတွက် ကျွန်တော်မမာမာဦး ကိုစား သားသမိးသဖွယ်တာဝန်ယူ ပေးပါမယ်)
ကျွန်တော်လူမော်လတ်
အလုံ NLD လူငယ်
Sunday, April 18, 2010
Thursday, February 18, 2010
လျှပ်စစ်နည်းပညာသစ်တခုကို ရှမ်းတိုင်းရင်းသားတဦးမှ တီထွင်အောင်မြင်
အိုဇုန်းလွှာ ပျက်စီးခြင်း၊ ကမ္ဘာ့ ရေနံ နှင့် လောင်စာဆီ ရှားပါးမှု ပြဿနာကို ကာကွယ်ရန် လောင်စာမဲ့ လျှပ်စစ်နည်း ပညာသစ်ကို တီထွင် အောင်မြင် နိုင်ခဲ့ပြီ ဖြစ်ကြောင်း ယင်း နည်းပညာကို တီထွင်ခဲ့သော ဦးစိုင်းသန့်ဇင် က ဇန်န၀ါရီလ ၂၅ ရက်နေ့တွင် ပြောသည်။ "ဒီနည်း ပညာက ဘယ်သူမှ မတီထွင် နိုင်သေး ပါဘူး။ ကျွန်တော်လည်း နှစ်ပေါင်း ၂၅ နှစ်ကျော် ကြာအောင် ငွေကုန်ခံ၊ လူပင်ပန်းခံ၊ မိသားစုကို စွန့်လွှတ်ပြီး ရှာဖွေ တီထွင် ခဲ့တာပါ။ တစ်ကမ္ဘာလုံးမှာ ရှိတဲ့ လူသား တွေရဲ့ လျှပ်စစ် လိုအပ် ချက်ကို ပြည့်သွားရုံ တင် မကဘဲ ပိုတောင် ပိုပါေ သးတယ်" ဟု ၎င်းက ပြောသည်။ လောင်စာမဲ့ လျှပ်စစ် နည်းပညာသစ် ဆိုသည်မှာ လျှပ်စစ် အနည်းငယ်မှ လျှပ်စစ် များစွာကို ချဲ့ထွင်ပြီး ဘွိုင်လာ၊ တာဘိုင်၊ ဂျင်နရေတာ နှင့် တွဲဖက် အသုံး ပြုကာ စွမ်းအား ပမာဏ ကြီးမားစွာ ထုတ်လုပ် နိုင်သော လျှပ်စစ် ထုတ်စက်ကို တီထွင် အသုံးပြုခြင်း ဖြစ်သည်။
အဆိုပါ နည်းစနစ်အတွက် မည်သည့် လောင်စာမှ အသုံးပြုခြင်း မရှိပေ။ ဘွိုင်လာကို ဆူစေပြီး တာဘိုင် နှင့် တွဲကာ ဂျင်နရေတာ တပ်လျှင် မီးစက် ဖြစ်သည်။ ထို ဂျင်နရေတာကို ပန်ကာ တပ်လျှင် သဘောင်္ ပြန်ဖြစ် သွားသည်။ ထို့ကြောင့် ထိုစနစ်နှင့် လောင်စာမဲ့ သဘောင်္များ သွားလာ နိုင်သည်။ တစ်ချိန်က အသုံး ပြုခဲ့သော မီးသဘောင်္များ အတိုင်း သွားလာ နိုင်သည်။
လောင်စာမဲ့ ဆိုသည့် အတွက် ထိုသဘောင်္တွင် မည်သည့် လောင်စာ ကိုမှ တင်စရာ မလိုတော့သည့် အတွက် ၀န်အား သက်သာ သွားမည်။ ကုန်ကျ စရိတ် သက်သာပြီး လုပ်ငန်းပိုမို အဆင် ပြေမည် ဖြစ်သည်။ မီးရထား တွင်လည်း ကျောက်မီးသွေး စက်ခေါင်း ကဲ့သို့ ဘွိုင်လာ စက်ခေါင်း အဖြစ် ပြန်တပ်ဆင် အသုံးချ နိုင်သည်။
"လျှပ်စစ်မီးထွက်ဖို့ လောင်စာအနေနဲ့ ဘာလောင်စာဆီမှ မလိုပါဘူး။ ဓာတ်ဆီ၊ ဒီဇယ်၊ ကျောက်မီးသွေးနဲ့ ဂက်စ်တွေ အသုံးပြုစရာ မလိုဘဲ ကျွန်တော်တီထွင်ထားတဲ့ နည်းပညာထဲကနေ ထွက်တာနဲ့ လျှပ်စစ်တွေဟာ လိုချင်သလောက် ရနိုင်ပါတယ်။ ဒီနည်းပညာကို အခုထိတော့ နာမည် မပေးရသေးဘူး။ လောလောဆယ်တော့ ကျွန်တော်က လောင်စာမဲ့ လျှပ်စစ် စွမ်းအင် နည်းပညာလို့ ပေးထား ပါတယ်" ဟု ဦးစိုင်းသန့်ဇင်က ဆိုသည်။ ဦးစိုင်းသန့်ဇင်သည် ယင်းနည်း ပညာကို၎င်း၏ ဆရာဖြစ်သူ ဦးကျော်ဝင်း ထံမှ အမွေ ဆက်ခံ ခဲ့ခြင်းဖြစ်သည်။
ဦးကျော်ဝင်းသည် လွန်ခဲ့ သည့် နှစ်၃၀ ကျော်ချိန်ကတည်းက အဆိုပါနည်း ပညာကို စမ်းသပ်တီထွင်ခဲ့ကာ လိုအပ်သည့် အချက် လက်များကို ပြန်လည် ဖြည့် ဆည်းနေချိန် ၂၀၀၁ ခုနှစ်တွင် ကွယ်လွန် ခဲ့သည်။ "ဆရာနဲ့ကျွန်တော် စလက်တွဲတုန်းက ၁၉၉၃ ခုနှစ်ကပါ။ အဲဒီအချိန်တုန်းက ဆရာမှာ တပည့် မရှိ သေးပါဘူး။ ဆရာ အဲဒီစက်ကို တီထွင် နေတုန်းပဲ။ ကျွန်တော့်ကိုလည်း သုံးနှစ်လောက် လေ့လာပြီးမှ ဆရာက သူ့အနားကပ် ခွင့်ပေးတာ။ အဲဒီအချိန်ထိ ကျွန်တော်ဟာ ဆရာ့ဆီက နည်းပညာ တွေကို အကုန် မရခဲ့ သေးပါဘူး။ ဆရာ့နည်း ပညာကိုလည်း ကျွန်တော် လုပ်စားဖို့ စိတ်မ၀င် စားခဲ့ဘူး။ ဆရာ့ ပညာ ကိုလည်း ကျွန်တော် လိုက်မမီ ပါဘူး။ ဆရာဆုံးတော့ ဆရာ့ပညာကို အမွေ ဆက်ခံမယ့် လူမရှိ တာနဲ့ ကျွန်တော် အရဲစွန့်ပြီး လုပ်ခဲ့တာ။ကျွန်တော် ထင်မထားပေမဲ့ အောင်မြင်အောင် လုပ်နိုင်ခဲ့ပါတယ်" ဟု ဦးစိုင်းသန့်ဇင် က ပြောသည်။
"ကျွန်တော် ဆရာ့ဆီမှာ လုပ်ကတည်းက ဆရာက နည်းပညာတွေ ပြောပြတယ်။ ကျွန်တော်က တပ်ဆင် ပေးရတယ်။ နောက်ပိုင်း ဒီနည်း စနစ်ရဲ့ လုပ်နည်း လုပ်ဟန် တွေကို ကျွန်တော် အကုန်သိ နားလည်တယ်။ ၀ှက်ဖဲ တွေကိုလည်း သိလာတယ်။ ဆရာမရှိတော့ ပေမယ့်လည်း နောက်ပိုင်း ကိုယ့်ဘာသာ ကိုယ်ဆင် လိုက်တာ လေးလုံး မြှောက်မှာ မီးထွက်တယ်။ အဲ ၁၉၉၉ ခုနှစ်ကတော့ လျှပ်စစ် မီးထွက်တယ်။ ဒါပေမဲ့ အသုံးပြုတဲ့ ပစ္စည်း တွေက သူ့ဟာနဲ့ သူမဟုတ်တော့ မီးထွက် မမှန်ဘူး။ ဒါကို နည်းပညာ တစ်ခုနဲ့ထပ်ပြီး စမ်းသပ် တာရယ် ငွေမရှိတာ တွေကြောင့် ပိုကြာ သွားတာပါ" ဟု ရှင်းပြသည်။
"ဓန အင်အား ပြည့်စုံတဲ့လူကသာ မတည် ရင်းနှီးငွေ ထည့်မယ် ဆိုရင် ဒီ လောင်စာမဲ့ လျှပ်စစ် နည်းပညာ သစ်ကို အခြေခံပြီး နောက်ထပ် နည်းပညာများ ထပ်မံ ပေါ်ထွန်း လာဦးမှာပါ" ဟု ၎င်း က ပြောသေးသည်။
ဦးစိုင်းသန့်ဇင်သည် ကျိုင်းတုံ ဇာတိ ဖြစ်ပြီး အသက် ၅၃ နှစ်ရှိပြီ ဖြစ်သည်။ ငယ်စဉ် ကတည်းက စက်မှုနည်းပညာ ကို စိတ်ဝင်စားပြီး ကားများ၏ စက်ပိုင်း ဆိုင်ရာကို တာဝန်ယူ ပြုပြင် ခဲ့ရသည်။ ကိုယ်ပိုင် ဂျစ်ကားများမှ ဂျစ်ဘီလူး အထိ တီထွင် ထုတ်လုပ် နိုင်ခဲ့သည်။
ယခင်က ကျောက်တွင်း ၄၅ တွင်းနှင့် စိုက်ခင်း ဧက၂၀၀ကျော်ကို ပိုင်ဆိုင်ထားသော ကုမ္ပဏီ ပိုင်ရှင်တစ်ဦး ဖြစ်သည်။ အဆိုပါပိုင်ဆိုင်မှုများကို အဆုံးရှုံးခံကာ ဤနည်းပညာကို ဇွဲ၊ လုံ့လ၊ တို့ဖြင့် အနစ်နာခံ တီထွင် ခဲ့ခြင်း ဖြစ်သည်။
ကမ္ဘာပေါ်တွင် အဓိကအားဖြင့် လျှပ်စစ်ဓါတ်အား ထုတ်လုပ်သော နည်းပညာ(၅) မျိုးရှိသည့် အနက် ယခု လက်ရှိတွင် နိုင်ငံတော်တော် များများ အသုံး ပြုနေသော ရေဖိအားသုံး တာဘိုင် စက်များဖြင့် လျှပ်စစ် ဓာတ်အား ထုတ်လုပ်ခြင်းသည် ရေရှည်တွင် ကုန်ကျ စရိတ် သက်သာ ထိရောက် သော်လည်း စတင် တည်ဆောက် ချိန်တွင် တည် ဆောက်စရိတ် အလွန် ကြီးမားသည်။
လောင်စာအတွက် အခက်ခဲမရှိ သော်လည်း ရေရင်းမြစ် ပေါကြွယ်ဝသည့် သဘာဝမြစ်၊ချောင်း၊ ရေတံခွန် များ ရှိနေရမည့် အပြင် ရေအား လျှပ်စစ် ထုတ်လုပ် နိုင်မည့် ရေမြေသဘာဝ ပထ၀ီ အနေထား ကန့်သတ် ချက်များ၊ ရေအား လျှပ်စစ် ထုတ်လုပ်မည့် နေရာနှင့် မိုင်ပေါင်း များစွာ ကွာဝေး မှုကြောင့် တည်ဆောက် ထားသည့် နေရာနှင့် အနီးဝန်းကျင် မြို့များသာ ပိုမို သုံးစွဲ နိုင်သည်။
အချို့ မြို့များကို လျှပ်စစ် ပေးရာတွင် မိုင်ပေါင်း များစွာ ဝေးကွာ မှုကြောင့် တည်ဆောက် စရိတ် ကြီးမားကာ လိုသလောက် မရနိုင်ပေ။ လောင်စာမဲ့ လျှပ်စစ် ထုတ်လုပ် ခြင်းသည် သဘာဝ ဘေးဆိုးများ၊ သဘာဝ ပတ်ဝန်းကျင် လေထု ညစ်ညမ်း မှုနှင့် ဆူညံ မှုတို့ဘေးမှ ကင်းဝေးသည်။
ယခုလောင်စာမဲ့လျှပ်စစ်မှာ အဆိုပါ နည်းစနစ်များထက် ငွေကုန်ကြေးကျ သက်သာကာ မည်သည့် အားနည်းချက် မျှမရှိပေ။ ပေ ၁၀၀ ထ ၅၀ ရှိသည့် နေရာတွင် လျှပ်စစ် ထုတ်ကာ တစ်မြို့လုံးကို ၂၄နာရီ ပတ်လုံး မီးအလင်း ပေးနိုင်သည်။ ၁မဂ္ဂါဝပ်တွင် ၀ပ်တစ်သန်းရှိ သည့်အတွက် ၀ပ်သန်း နှစ်ဆယ် ဆိုပါက မြို့လေး တစ်မြို့ကို မီးအလင်းပေး နိုင်သည်။
အဆိုပါစက်မှာ ရှိရင်း စွဲပင်ရင်းမှ ထွက်လာသော အားကို ၁၀ ဆပို ထုတ်လုပ် မည်ဖြစ်သည်။ ဥပမာ ၁၂ ကီလိုဝပ် ရှိ မီးစက် အင်ဂျင်မှ ရှိရင်းစွဲ လျှပ်စစ်ကို ယူပြီး ၁၀ ဆပွားလိုက်လျှင် ကီလိုဝပ် ၁၂၀ ထွက်သည်။ ၀ပ်အားဖြင့် တွက်လျှင် ရှိရင်းစွဲ ၀ပ်၁၂,၀၀၀ကနေ ၀ပ် ၁၂၀,၀၀၀ ထွက်သည်။ ထိုထဲမှ ၀ပ် ၅၀,၀၀၀ကို ကောင်းကောင်း အသုံးပြု နိုင်သည်။
ယခုလက်ရှိ နမူနာတပ်ဆင်ထားသော လျှပ်စစ် ထုတ်လုပ်သည့် စက်မှာ Nichrome (နီကရုန်း) ကြိုးများ တပ်ဆင်ထားသည်။ ယင်းကြိုးများမှာ တစ်ကြိုးလျှင် လျှပ်စစ်ဓာတ်အား ၃,၆၀၀ မှ ၄,၈၀၀ အတွင်း ထွက်ရှိသည်။ အဆိုပါ ကြိုးမျိုး ၁၂ချောင်း ဆင်ထား သည်။ ထိုအတွက် လိုအပ်သည့် လျှပ်စစ်ကို 12KV ရှိသည့် မီးစက်မှ အားကို ဖန်တီး ယူထားခြင်း ဖြစ်သည်။
12KV မီးစက်ကိုနှိုးပြီး တီထွင်ထားသည့် နည်းပညာ ပုံးထဲမှ ဖြတ်ကာ ဘွိုင်လာ၏ လိုအပ်သည့် နီကရုန်း ကြိုးများ ဆီသို့ ပေးပို့မည် ဖြစ်သည်။ ဥပမာ ဘွိုင်လာမှ နီကရုန်းကြိုး အချောင်း ၁၀၀ လိုလျှင် အချောင်း ၁၅၀ ဆင်ထားမည် ဖြစ်သည်။ တစ်ချောင်း ပျက်လျှင် ထို၅၀ထဲမှ တစ်ချောင်းကို Onလိုက်မည် ဖြစ်သည်။ထို့အတွက် စက်ကို ရပ်ဖို့ မလိုတော့ပေ။
ဘွိုင်လာရှိ PSI ဘားက အရှိန် ၁၂၀ ရောက်မှ ယန္တရားလည်မည်ဆိုပါက ၁၂၀ လွှတ်ပြီး ၂၀၀နှင့်မှ ရုန်းပါက ၂၀၀လွှတ်မည်ဖြစ်သည်။ ဘားပွင့်မှသာ ရေနွေးငွေ့ တာဘိုင် လည်မည် ဖြစ်ပြီး ဖိအားဖြင့် ဒလက်များ လည်စေကာ လျှပ်စစ် ထုတ်ယူ မည်ဖြစ်သည်။
"ပထမလျှပ်စစ်ပေးထားတဲ့ 12KV ကိုလည်း ယန္တရားကြီး လည်သွားတာ နဲ့အနားပေးလို့ရပါပြီ။ Recycle ပြန် သုံးတဲ့သဘောပါ"ဟု ဦးစိုင်းသန့်ဇင် က ၄င်းလုပ်ငန်းခွင်ကို ရှင်းပြသည်။
မူလပင်ရင်း ရှိရင်းစွဲမှ 12KV မှ ၀ပ် အား၁၂,၀၀၀သာ ရှိသည်။ ထို မီးစက် အင်ဂျင်မှ မူလ လျှပ်စစ်ကို ၀ပ်၁၀,၀၀၀ လောက်ယူပြီး ဖန်တီးထားသောစက်ထဲ ထည့်ကာ ဆင့်ပွားနည်းပညာဖြင့် ပြန်လည် ထုတ်လုပ်လိုက်သည့်အခါ မီးများမှာ အဆိုပါ နီခရုန်း ကြိုး၁၂ ချောင်းမှ တစ်ချောင်းလျှင် ၀ပ် ၃,၆၀၀နှင့် ကြိုး ပေါင်း ၁၂ချောင်း စုစုပေါင်း ၀ပ် ၄၃,၀၀၀အား ပြန်လည် ထုတ်လုပ်နိုင်ကြောင်း သိရသည်။
"မကြာခင်မှာ ကျွန်တော် စက်ရုံထောင်မယ်။ ဒီနည်းပညာနဲ့ ကမ္ဘာ့မူ ပိုင်ခွင့်ကို လှမ်းမယ်။ မြန်မာနိုင်ငံကို အကျိုးပြုမယ်။ ဒါဆို ကျွန်တော့် အခန်း ကဏ္ဍတွေ ပြီးဆုံးသွားပြီ။ ဒီထက်ပို ကောင်းအောင်တော့ နောင်လာနောင်သားတွေကိုဘဲ အားထားရတော့မှာပါ" ဟု ဦးစိုင်းသန့်ဇင်ကဆိုသည်။
မြန်မာနိုင်ငံတစ်နိုင်ငံလုံး၏ လျှပ်စစ် ဓာတ်အားသုံးစွဲမှုမှာမဂ္ဂါဝပ်၁,၅၀၀ရှိပြီး အနည်းဆုံး မဂ္ဂါဝပ် ၁,၂၀၀လောက် ရရှိလျှင် အဆင်ပြေ သည်ဟု သိရသည်။ ယခုလက်ရှိတွင် မြန်မာနိုင်ငံတွင် အမှန် တကယ်လျှပ်စစ်ရရှိမှုမှာ အနည်းဆုံး ၃၅၀ မဂ္ဂါဝပ်မှ အများဆုံး ၅၈၀မဂ္ဂါဝပ် ထိသာရှိသည်။ ထို့ကြောင့် မြန်မာ တစ်နိုင်ငံလုံး လိုအပ်သည့် မဂ္ဂါဝပ် ထက် အမှန် တကယ် သုံးစွဲမှုမှာ သုံးပုံ တစ်ပုံ သာရှိသည်။
လောင်စာမဲ့လျှပ်စစ်နည်းပညာဖြင့် ထုတ်လုပ်မည်ဆိုလျှင် မြို့တစ်မြို့တွင် မဂ္ဂါဝပ် ၄၀ လိုသည် ဆိုပါက ပေ၁၀၀ ၀န်းကျင်ခန့်ရှိသည့် နေရာတွင် ၂မဂ္ဂါ ၀ပ်ရှိသည့် စက်အလုံး၂၀တပ်ဆင်ထားပါက ၄၀မဂ္ဂါဝပ်ရရှိမည်။ သို့ဆိုလျှင် မြန်မာတစ်နိုင်ငံလုံး လို အပ်နေသည့် လျှပ်စစ်ကို ယခုကဲ့သို့ တီထွင် ဆပွားရင်း အသုံးပြုသွားမည် ဟုဆိုသည်။
ယင်းနည်းပညာ၏ အောင်မြင်မှု အခြေအနေကိုမှ ပရော်ဖက်ဆာ ဒေါက်တာစိန်မြင့်တို့ အဖွဲ့က ဇန်န၀ါရီ လ၁၉ရက်နေ့တွင် လာရောက် လေ့လာပြီး နည်းပညာမှန်ကန်သဖြင့် ဦးစိုင်းသန့်ဇင်နှင့် ပူးပေါင်းလိုကြောင်း ကမ်းလှမ်းထားသည်။
"ဒီပညာရှင် လောကမှာ ဘယ်လိုမှ မဖြစ်နိုင်တာကို ဖန်တီးနိုင်ခဲ့တယ်။ လျှပ်စစ်မှာလော့စ်ရှိတယ်။ ကျွန်တော်တို့က သီအိုရီ သဘော အရဆို သူ့ကို ဘယ်လိုမှ လက်ခံလို့ မရဘူး။ ဒါကလည်း သူတီထွင်ထားတာ အောင်မြင်ခဲ့လို့သာ။ သူအခုချိန်မှာ ဒီလို လုပ်ချင်ပါ တယ်လို့ ပြောရင် သူ့ကို စိတ်မှ ကောင်းသေးလားလို့ လူတွေ အထင်သေးကြမှာ အမှန်ဘဲ။ သူလည်း မအောင်မြင်တုန်းကတော့ ကြုံခဲ့မှာပါ။ အခုတော့ သူဒီနည်းပညာကို အောင်မြင်သွားပြီ" ဟု တရုတ်ပညာရှင် တစ်ဦးက ပြောသည်။
မန်းသားလေး
၁၈ . ၂ . ၂၀၁၀ l MM
www.hanthawaddy.org မှကူးယူဖော်ပြပါသည်။
